Dauði og drepsóttir.......grrrrrrrr!!!

Ég á, fjandinn hafi það, eftir að skjóta mig í hausinn hérna ef ég kemst ekki úr þessu helvítis krummaskuði fljótlega!!

Núna er planið að :

a) Kaupa bíl svo ég geti ferðast milli Skals og Viborgar og rúntað að vild svo ég missi ekki vitið!

b) Fá vinnu á einum af 3 börunum inní Viborg svo ég geti fengið skrifað, hrunið í það og drekkt sorgum mínum yfir að búa í þessum gvuðsvolaða útnára sem Jótland er!!

c) Finna íbúð í Viborg svo ég geti labbað heim til mín af maraþon-tjúttinu í stað þess að það kosti mig hönd og fót með leigara til smábæjar dauðans, þegar ég vil ekki einusinni fara þangað!

Sem afleiðingu af þessu á ég náttlega eftir að setja mig endanlega á hausinn, þannig að ef einhverjir velviljaðir ríkisbubbar/milljónamæringar lesa þessa síðu og eru til í að bjarga geðheilsu minni með fjárframlögum, þá endilega hafið bara samband á kommentakerfinu og reikningsnúmerið mitt verður sent um hæl.

Með fyrirfram þökk og góðar stundir,
Skrímsla