29. september 2003

Það er gott að eiga góða að...

Það er náttlega snilld að eiga frændur!! Því fleiri, því betra....sérstaklega þegar þeir eru með bíladellu á háu stigi eins og Selfyssingurinn!

Skrimsla: Já, ég veit nú samt ekki hvort ég næ að kíkja til ykkarí fríinu, ég verð ekki með bíl eða neitt :(

Selfyssingurinn: Það eru nú til bílar

Skrimsla: Nú, áttu einn auka handa mér?

Selfyssingurinn: Já, ef þú vilt þá get ég alveg lánað þér bíl

Skrimsla: Bíddu, eigið þið allt í einu 3 bíla??

Selfyssingurinn: Nei, fjóra


Þar með var því slegið föstu og skrimslan getur verið frjáls eins og fuglinn í fríinu sínu.

Lífið er yndislegt, ég geri það sem ég vil.... tataraddaramm.. :)

27. september 2003

Uppáhalds...

Báruljóð

Lítill kútur
lék í fjöru
og hló,
báran hvíta
barnsins huga
dró

Langrar ævi
yndi og vos
á sjó,
báran svarta
bylti líki
og hló

-Einar Bragi

25. september 2003

14 dagar í heimkomu...

...need I say more...

24. september 2003

Vefarinn mikli lagstur í pest

Ekki örvænta....ég er enn á lífi!!

Ekki nema naumlega þó....ligg eins og aumingi, lasin með einhverja óskilgreinda pest eða vírus sem læknirinn getur ekki fundið útúr! Fór heim frá honum í dag með leiðbeiningar um að liggja fyrir og bryðja verkjatöflur eins og smartís þangað til upplýsingar um sjúkleikann fást úr öllu því blóði sem maðurinn tappaði af mér í morgun. Þær fást hinsvegar ekki fyrr en á föstudaginn sem þýðir að þá verð ég búin að liggja í heila viku án þess að hafa hugmynd um hvað er að mér!! Dásamlegt alveg!!

Og að sjálfsögðu á besta tíma eins og alltaf. Ég sem er bókstaflega búin að búa uppá skóla síðustu vikur og vefa eins og vitlaus manneskja til að geta skilað verkefninu mínu á réttum tíma (réttur tími er senst í dag!) fæ að sjálfsögðu pest og allt fer fjandans til. Ojj ojj og aumingja ég!

Annað er nú ekki mikið í fréttum nema jú, frestur til að næla sér í krónprinsinn rennur út 8.október! Djö...og ég sem er veik og hef þar af leiðandi ekki orku í að sinna þessu. Jæja, hann giftist mér þá bara til vinstri í staðinn.........að vera danadrottning er örugglega skítadjobb!

....og ég frábið mér öll komment um refinn og berin!